Aurkibide nagusira joan

Nabigazio menura joan

ATOM BY ATOM

sept 28-30 2009, san sebastián, Spain

Nabigazio menura joan

Atom by Atom arrakastatsua izan da, hizlari ezin hobeak izateaz gain, gure proiektuak eurekin partekatzeko aukera izan baitugu eta jasotako komunikazioen eta osoko hizketaldien maila oso altua izan baita. Hori guztia egia da, eta horrekin gustura geratuko ginateke. Baina, batez ere, ATOMBYATOM arrakastatsua izan bada gure deialdiak herritarren aldetik izan duen erantzunagatik izan da. Parte hartu duen jende-kopuruak gure aurreikuspenen gainetik egoteaz gain, parte hartzaileek hitzaldiak eta jarduerak interes eta gogoz jarraitu dituztela ikusi ahal izan dugu. Horregatik guztiagatik, nanoGUNE-k eta DIPC Fundazioak, zientzia gizarteratzeko hartutako konpromisoan are ahalegin handiagoz jarraitzeko prest gaudela sentitu dugu.

NANO2009. Perspectives in Nanoscience and Nanotechnology. 15-17 Diciembre 2009

ATOM BY ATOM KOPURUTAN

Sail orokorra

Sail orokorrean izandako parte-hartzea honela banatu da:

Irailak 28: 812 pertsona
Irailak 29: 708 pertsona
Irailak 30: 615 pertsona

Nazioarteko ‘NANO2009 – Perspectives in Nanoscience and Nanotechnology’ workshop-a

Parte-hartzaileak: 119
Hitzaldi gonbidatuak: 15
Ahozko ekarpenak: 15
Poster-ekarpenak: 46

Zientziaren kutxaGune topaketa

Euskadi osoko 43 ikastetxetako 130 ikasle eta 43 irakasle izan ziren. Parte-hartzaileen guztizko kopurua 240 pertsonakoa izan zen.

Internet bidezko jarraipena

Guztizko bisita-kopurua: 1.119

Irailak 28: 415
Irailak 29: 444
Irailak 30: 260

Hitzaldi guztiak eta kutxaGune Topaketa eskuragarri daude DIPC tv-ren web-orrian:

http://dipc.tv

 
 Topaketa Nobel saridunekin Zientziaren Kutxagunean
NANO2009. Perspectives in Nanoscience and Nanotechnology. 15-17 Diciembre 2009
 

Sarrera

ATOM BY ATOM biltzarra nanoGUNE Nanozientzietako Ikerketa Zentro Kooperatiboaren eta DIPCren (Donostia International Physics Center) ekimena da eta honako hau bilatzen du: elkarrizketa joria eta etengabekoa eratzen laguntzea zientziaren eta gizartearen artean, zientzialarien eta herritarren artean. Guztia ere testuinguru intelektual aske eta tolerante baten barruan zientziaren aurrerapen sozial arduratsua lortzeko lagungarri izan dadin.

ATOM BY ATOM kongresuak bi atal izan ditu, elkarren artean osagarriak: batetik, nazioarteko komunitatea zientifikoari zuzendutako atala (NANO2009 izenburua duena), eta, bestetik, publikoari oro har zuzendutako atal orokorra.

Sail orokorraren barruan hainbat hitzaldi emango dira gai-abaniku zabal bat hartuta; guztiak ere interes handikoak izango dira gizarterako eta nanoteknologiak inpaktu handia izango du haietan: elektronika, osasuna, material berriak, fotonika, etab. Konferentzia programa orokor hau arratsaldeetan garatuko da, eta dohainik sartu ahal izango da edonor. Antolaketa lanak errazteko, hementxe eman dezakezu izena doan.

NANO2009 saila, berriz, nazioarteko biltzar zientifiko gisa garatuko da eta Donostian 2006ko irailean egin zen «Perspectives in nanoscience and nanotechnology – NANO2006» lan tailerraren jarraipen modura planteatzen da. Nanozientzia eta nanoteknologiako nazioarteko zientzia komunitateari zuzendua dago, eta sei saioren inguruan artikulatuko da: nanomagnetismoa, nanooptika, automihiztatzea, nanobioteknologia, nanogailuak, eta teoria eta simulazioa nanoeskalan. NANO2009 atalera ikertzaileek bakarrik sartu ahal izango dute; horretarako, NANO2009 helbidean eman dezakete izena eta bertan aurkez ditzakete beren lanak.

 

Batzordea

Chairmen

Pedro M Echenique (DIPC)

Jose M Pitarke (nanoGUNE)

Batzorde Teknikoa

Igor Campillo (Idazkaritza Orokorra)

Unai Ugalde

Juan José Iruin

Kreditoak

Antolatzaileak

Laguntzaileak

Babesleak